Han bertan izango dira eragile politiko, sindikal eta sozialekin batera euskalgintzako kideak eta kirol zein kultur arlokoak. AEKren partetik, aldiz, Asier Amondo Korrika arduraduna eta AEKren Artezkaritza Kontseiluko kideak, besteak beste.
Barikuan ere Korrika ikusgai izango da gure kaleetan, izan ere martxoaren 13a da 'Kuestazio eguna' Bilbon. Korrikaren helburuak jakinak dira, euskararen aldeko kontzientzia suspertzea eta AEKren euskaltegien eguneroko lana indartzeko dirua biltzea. Bada, horretan arituko gara, hain zuzen, goiz goizetik arratsaldeko 3rak arte. Alde Zaharrean hasi eta Termibuseraino, bazterrik bazter izango gara AEK-ko kideak diru bilketan.
Euskarak, tamalez, beharrezko du eta oraindino; beraz, prest eduki euskararen aldeko txanponik!
Eta, adi! Zazpi egun besterik ez da falta Urepeletik abiatzeko ...ika ika ika badator Korrika!