Azken urteetan Bilboko Aste Nagusiko lehen igandean, eusko labeladun pintxo eta sagardo banaketa egiten dugu. Ekimen honetan konpartsekin batera Athleticeko Peñen lagunek ere parte hartzen dute. Eta ekimen honetatik ateratzen den dirua oinarrizko kirol edo eta aisialdia lantzen duten elkarteengana bideratzen dugu, nolabait elkarte hauek egiten duten lana bultzatzeko eta goraipatzeko asmoarekin.
Aurten Bakuva Elkartea aukeratu dugu. Bakuva Elkarteak Bilbo Zaharra Auzoan adin gutxikoekin egiten du lan 2007 urtetik. Jendartean parte hartzea eta integrazioa bultzatzea du helburu aisialdi eta kirol ekimenak burutuz.
Beraz, esan bezala Aste Nagusian jasotako lagun askoren ekarpen hori, aurten ere, ondo bideratu izan dugu eta Bakuva Elkarteak, larunbatean, Konpartsen eta Peñen ordezkari batzuen esku jaso zuen aipatutako kopurua.