Zibilizazioaren "kolapsoa" ekiditeko, 'Azken deia' manifestu aurkeztuko dute Bilbon

uriola.eus 2015ko mar. 17a, 08:59
Deskargatu Info Ahotsak :

"Gaur hasiz gero, oraindik izan gaitezke gizarte solidario eta demokratiko baten protagonista, planetarekin bakean". Ideia hori defendatzen du Desazkundea kolektiboak, eta ideia horren oinarrian dagoen argudio-sorta manifestu batean xehetu du hainbat pentsalari eta elkarterekin batera.

Orain dela hilabete batzuk 'Azken deia' Manifestua argitaratu zen estatu mailan, (ultimallamadamanifiesto.wordpress.com) unibertsitateko eta alderdi politikoetako pertsonak sinatuta.
 
Manifestu honen ikuspuntutik, "gure planetak ezin du gizarte produktibista eta kontsumista hau mantendu: zibilizazio berria eraikitzeko premia dugu, gai izango dena bizitza duina bermatzeko giza populazio sekulakoari; bestela, XXI. menderako ondorio probableena zibilizazioaren kolapsoa da".
 
Desazkundea mugimendukoak "seriotan" hartu du mezu hori eta 'Azken deia' dokumentuaren aurkezpen publikoa antolatu du Bilbon, gaur, martxoaren 17an, Hika Ateneoan.

Aurkepenean manifestuaren sortzaileetako bi pertsona izango dira Marga Mediavilla eta Florent Marcellesi, Borja Agirrek (Desazkundeko kidea) aurkeztuta.


Ekitaldia Hika Ateneon (Ibeni Kaia, 1), 19:00etan.

Gizartea