Erasoa "eraso zabala" izan zela gogor gaitzetsi du Komite Internazionalistak. Alde batetik, Kobane kantoiaren "errekuperazioaren aurkako erasotzat" jotzen du, eta hortaz, Rojavan (Hego Kurdistan) garatzen ari den "alternatiba iraultzailearen aurkakoa". Bestetik, nazioarteko elkartasunaren aurkako erasotzat, "bereziki kolpatu nahi izan baitituzte laguntzera gerturatutako militante gazteak". Haratago doaz Komiteak, "hori gutxi balitz, eraso honek Turkiak Ipar Kurdistanerako bake prozesua lehertarazteko daraman estrategiarekin ere egiten du bat", adierazi dutenez.
Euskal Herritik elkartasuna adierazi nahi diete kide internazionalistei eta herri kurduari: "Gure gogoa hara zuzentzen dugu. Kolpatu dituzten gure kideei atzera ez egiteko indarra eman nahi diegu". Komiteek "hiltzaileei" ere helarazi diete mezua. "Imperialismoaren aurrean, bizitza berria eraikitzen eta eraso guztiak gure sentitzen jarraituko dugu", esanez agertu dute lanerako borondatea.
Komite Internazionalistak gaur, hilak 24, kalera aterako dira Bilbon elkarretaratzea eginez. "Suruçeko sarraskia salatzeko eta Kurdistanekin gure elkartasuna adierazketo, kalera!". 19:30ean, izango da, Arriaga plazan, 'ISIS eta Erdoganek 32 internazionalista erail dituzte. Kurdistanekin elkartasuna!' lelopean.