Gai honen aurrean, irailaren 24ko Udalbatzan mozioa aurkeztuko du EH Bilduk. Proposamenaren baitan jasotzen du Udalak edo Udalaren menpeko entitateek erosten dituzten edota doan jasotzen dituzten kultur ekitaldietarako sarrerak, "ez dutela, ez zinegotzientzat, ez zuzendaritza karguetan dauden pertsonentzat ezta inolako langile publikorentzat ere, abantaila pribatiborik suposatu behar ulertzea; edozein bilbotarren onurarako izan behar direla baizik".
Beraz, Udalak edo Udalaren menpeko entitateek erosten dituzten edo doan jasotzen dituzten kultur ekitaldietarako sarrera guztiak, orain arte zinegotzien, zuzendaritza karguen edota funtzionarioen artean banatu izan direnak, bilbotarren artean zozketatzearen alde egiten dute. Honetarako, Tokiko Gobernu Batzordeari eskatzen diote, zozketetarako bilbao.net web orrialderen bitartez sistema iraunkor bat martxan jar dezan.
Alejandro Sanzen kontzerturako sarrerak
Gaurtik eta ostiral egurdira bitartean, URIOLAko zozketen atalean, lehenengo eta bigarren lerroetan kokatutako bost sarrera bikoitz zozketatuko dira, larunbat honetan, irailak 19, Alejandro Sanzek Bilbao Arenan eskainiko duen 'Sirope' giraren baitako kontzertura joateko. Emanaldia 21:30ean izango da eta sarrerak dagoeneko agortuta daude.