Hirian, oso nabaria da 'Red Bull Cliff Diving World Series' txapelketaren final nagusiak sortu duen erakargarritasuna. Gaur goizean ehunka pertsona bertaratu dira Bilboko Plaza Biribileko Turismo Bulegora; bertan, Guggenheim Bilbao Museoko gune erreserbatuan sartzeko eskumuturrekoak lortu nahi zituzten, hau da, Louise Bourgeois artistaren Mama eskulturaren eta Anish Kapoorren El gran arbol y el ojo lanaren arteko gunera sartzeko eskumuturrekoak.
Goizeko 10:00etatik aurrera eta bi ordu baino apur bat gehiago igaro ondoren, gune horretara sartzeko identifikazio-eskumuturrekoak agortu dira. Argi geratu behar da proba ikaragarri hori ikusteko sarrera doan izango dela, baita Salbe zubiko inguruetatik ikusi ahal izango dela ere. Hitzordua larunbatean izango da, irailaren 26an. Milaka zale heltzea espero da, baita munduko 60 komunikabide baino gehiago ere.