Besteak beste, honako artista hauek nabarmendu behar dira: Aya Eliav artista israeldarra, Aluma bilduma aurkeztuko duena, Vanguardia galerian; Suso33 madrildarra, bere obra SC Galleryn inauguratuko duena; eta Javier Arbizu eta Karlos Martinez B. euskaldunak, obrak Michel Mejuto galerian izango dituztenak ikusgai.
Oso diziplina eta estilo desberdinak dituzte, sentsibilitate eta publiko guztientzat; urriaren 16an eta 17an publiko horrek programa oso batez gozatu ahalko du, 40 proposamen baino gehiago jasotzen duen programaz, artea intentsitatez bizitzeko pentsatutako programaz. Museoak, erakusketa-aretoak, Unibertsitatea eta erakunde publikoak batu egin dira arte-galerietara, elkarrekin eginiko ahaleginaren bidez; ahalegin hori ezinbestekoa da eragin positiboa duten ekimenak antolatzeko balio eta etorkizuneko sektore estrategiko batean -artea eta kultur industriak-.
Apustu partekatua
Ekimen honetan parte hartzen duten arte-galeriak honako hauek dira: Juan Manuel Lumbreras, Vanguardia, Kalao Panafrican Creations, Michel Mejuto, Aritza, Ederti, Rembrandt, Espacio Marzana, Windsor Kulturgintza, SC Gallery eta La Taller. Gainera, Euskal Herriko Unibertsitateak, Guggenheim Bilbao Museoak, Arte Ederren Museoak, Itsas Museoak, Azkuna Zentroak, Rekalde Aretoak, Ondare Aretoak, Euskalduna Jauregiak eta Bilbao Arte Fundazioak bat egin dute proposamen honekin, beren erakusketekin, arteari irekita dauden beste espazio batzuekin batera, besteak beste: Deustuko Zubiko kaseta, CFC Bilbao, Euskal Akuarelisten Elkartea, Spazio Ranieri, EHAEO eta Restauraciones Luis de la Fuente. Ekitaldi honek kalera irtetera gonbidatzen du, galerietan sartzera, museoak bisitatzera, bisita gidatuetan parte hartzera, aire zabaleko kontzertuez gozatzera eta familia osoak parte hartzeko pentsatutako tailerretara bertaratzera.
Topaketak artistekin, bisita gidatuak eta kontzertuak
Kulturaren ospakizuna, erabat; kalera irtetera gonbidatzen duena, galerietan sartzera, museoak bisitatzera, bisita gidatuetan parte hartzera, aire zabaleko kontzertuez gozatzera eta familia osoak parte hartzeko pentsatutako tailerretara bertaratzera. Hainbat artistek, besteak beste, Aya Eliavek, Javier Arbizuk, Jorge Garciak, Suso33k, Charo Garaigortak, Antonio Ranierik, Carlos Marcotek eta Avelino Salak galerietara beren obrak ikustera doan jendeari arreta eskainiko diote, zuzenean. Zalantzarik gabe, kulturara hurbiltzeko aukera paregabea, aditu onenen eskutik.
Gainera, gaur egungo musika-kontzertuak izango dira, arpa eta flauta kontzertuak, jazza, poesia galeria eta aretoetan, eta larunbatean, hilaren 17an, Juan Ajuriaguerra kalean, Heros eta Recalde zumarkalearen artean, Ramon Churrucaren eta Fausto Grossiren La Nueva Europa performancea hartzeko espazio egokituko da, bai eta Satxa Soriazu jazz hirukotearen emanaldiak hartzeko espazio ere. Jado plazan, bestalde, Zuzeneko suak band eta begiradak kontzertu estatikoa izango da.
Programak lau bisita gidatu jasotzen ditu doan, hiriko galerietatik; Ibaigane Jauregitik, Azkuna Zentrotik, Arte Ederren Museotik eta Erriberako Azoatik irteten dira; hilaren 16rako eta 17rako antolatu dira, horietan guztietan parte hartzeko aukera ematen duten ordutegietan. Aurretik izena eman beharko da, 94 420 53 30 zenbakiaren edo www.bilbaoartdistrict.comhelbidearen bidez.
Sartu. Artea baino ez da
Bilboko galerietan udazkeneko denboraldiaren baterako inaugurazioa dela eta antolatutako jarduerei buruzko informazio guztia honako gida honetan jasotzen da: Sartu. Artea baino ez da, gaztelaniaz eta euskaraz editatuta. Argitalpen honen 15.000 ale banatuko dira turismo-bulegoetan, galerietan, museoetan, ekimenean inplikatutako arte-espazioetan eta hoteletan.
Merkataritzak eta ostalaritzak bat egin dute Bilbao Art Districtekin
Bestalde, Bilboko 44 saltokik eta ostalaritza-establezimenduk herritarrak gonbidatzen dituzte proiektu honetan orijinaltasunez parte hartzera. Beren lokaletan Bilbao Art District osatzen duten letrak egongo dira ezkutatuta, publikoak aurki ditzan. Horietako askok sariak izango dituzte, hiriko museoak bisitatzeko sarrerekin. Joko dibertigarria publiko ororentzat.