%252011.23.15.png)
Bihar eta etzi, urriak 15 eta 16, zirkulaziorako itxi eta aparkalekua okupatuko dute Errekakoetxe eta Fernandez del Campo kaleetan, Errekalde zumarkalearen eta Concha Jeneralaren kalearen artean. Okupatuko diren gunean hesiak jarriko dituzte aurretiaz eta ordezko bideak poza lizentziatua eta Concha Jenerala izango dira.
Ahal den guztietan eta lanek horretarako aukera ematen badute, garajeetako sarrera-irteerak Concha Jeneralaren kaletik edo Errekalde zumarkaletik egingo dira.
Asfaltatze-lanak egiteko eta seinale horizontalak pintatzeko okupatuko da kalea.
Era berean, bihartik hilaren 23ra, kalea tarteka itxiko da zirkulaziorako eta espaloiak zein aparkalekuak okupatuko dira Lehendakari Agirre etorbidean, 140. eta 186. zenbakien artean.Bidea etengabe egongo da libre oinezkoentzat eta lanek aurrera egin ahala, aparkalekuak mugatu eta hesiak jarriko dituzte horietan.
Lorezaintzako mantentze-lanak (zuhaitzak inaustea) egiteko okupatuko da esparru publikoa.
Ur mozketa
Biharko egunean ere, 16:00etatik 20:00etara bitartean, gutxi gorabehera, uraren hornidura zerbitzua kenduko dute Uriortu kaleko 1etik 15era bitarteko zenbaki bakoitietan eta Mugika eta Butroi kaleko 2. zenbakian.
Balbula orokor bat konpontzeko egin beharreko lanek eraginda etengo dute uraren zerbitzua.