Esparru publikoaren okupazioa eta zirkulazio aldaketak gaurtik hasita hainbat auzotan

Gaurtik, urriak 27, eta sei hilabetez, gutxi gorabehera, galtzada, espaloia eta aparkalekuak okupatu eta kalea tarteka itxiko da Mauricio Zabala kalean. Lanak egiteko faseak egongo dira eta aldez aurretik hesiz itxiko da okupatu beharreko lekua.

Lanak lehenengo fasean Xenpelar kalearekiko bide-gurutzetik hasiko dira. Ibilgailuen zirkulazioa baimenduko da eta une oro bidea libre egongo da oinezkoentzat.

Bruno Mauricio Zabala kaleko zerbitzuak berriro jartzeko eta urbanizatzeko lanak direla-eta okupatuko da kalea.

Bestalde, gaur hasi eta hiru astez, galtzada, espaloia eta aparkalekuak okupatuko dira Errekalde-Larraskitu errepidean, 52. eta 53. zenbakien artean. Okupatuko diren gunean hesiak jarriko dira aurretiaz; ibilgailuen zirkulazioa baimenduko da eta bidea etengabe egongo da libre oinezkoentzat.

Pasabide beheratuak egiteko okupatuko da esparru publikoa.

Era berean, gaur hasi eta hilabetez, gutxi gorabehera, galtzada, espaloia eta aparkalekuak okupatuko dira Uretamendi auzoan, 34. eta 53. zenbakien parean. Lanak 34. ataritik hasiko dira eta aurrera egin ahala, hesiak jarriko dira okupatuko den lekua mugatzeko. Ibilgailuen zirkulazioa baimenduko da eta bidea etengabe egongo da libre oinezkoentzat.

Ateraguneak eta pasabide beheratuak egiteko okupatuko da esparru publikoa.

Zirkulazio aldaketak

Gaurtik, urriaren 27tik azaroaren 13ra bitartean, galtxada okupatu eta kalea tarteka itxiko da Basurtu-Kastrexana errepidean eta Santa Ana etxaldean. Ibilgailuen zirkulazioa baimenduko da une oro.

Berriro urbanizatzeko lanak direla-eta okupatuko da kalea. Hauek dira aipatutako lanak: espaloiak zabaltzea; pasabide beheratuak eta oinezkoentzako pasabideak; ezkerretara bideratzeko aukera kentzea Santa Ana etxaldean, kale-gurutzean bide-segurtasuna hobetzeko. Santa Ana etxaldetik irteteko bidea Kastrexana gainerantz baino ez da izango; Seinale horizontalak eta bertikalak aldatzea.

Bukatzeko, gaur hasi eta hilabetez, zirkulazioaren beherako noranzkoa (Jesusen Bihotza plaza) itxiko da Sabino Arana etorbidean, Perez Galdos kalearen eta Trenbideko etorbidearen artean.

Ordezko bideak Perez galdos (esk.), Sabino Arana (ezk.), Egia Jenerala (ezk.) eta Trenbide kalea izango dira.

Sabino Arana erabat eraberritzeko lanetarako okupatuko da esparru publikoa.