Bilboko arte-zentroa 39 sortzaileen 37 proiektu artistikoez bete da. Horiei, gainera, Bregenzeko (Austria), Leedseko (Ingalaterra) edo Pariseko zentro artistikoekin truke-programetan parte hartu duten 11 artista eta Viana Fundazioaren bekadunak gehitu zaizkie.
Hauxek dira erakusketa kolektibo handi horretan parte hartu duten zenbait artista: Roberto Aguirrezabala Martínez (Sestao), Entropía; Alberto Albor Escaño (Burgos), End Zone; Javier Arbizu Martínez (Lizarra), Still; Verónica Bapé (Mejiko), Mamu / Fantasma; Ramón Churruca Muguruza (Bilbo), Super-Autopistas De La (Des)Información; June Crespo Oyaga (Iruña), Day Time Regime eta Katharina Fitz (Austria), Chatarra.
Bilbaoarteren arabera, “erakutsitako lanen aniztasuna arterik garaikideenaren isla da. Erakusketa handi honek eskultura, pintura, bideo-sorkuntza, argazkilaritza, instalazioak, dokumentala, arte grafikoak eta ehungintza-diseinua uztartzen ditu, birziklapena, memoria historikoa Euskal Herrian, komunikazioa, Karrantzako aurpegi beltzeko ardiak, bideojokoak, biolentzia sinbolikoa edo Txileko Atacama basamortua bezalako gaien ingurukoak”.
Informazio gehiago: bilbaoarte.org.
Albistea www.nontzeberri.com-etik jasoa.
