Erik Nielsenen zuzendaritzapean, Bilboko Orkestra Sinfonikoa, Bilboko Koralako umeen abesbatza eta Miren Urbieta-Vega sopranoaren parte-hartzearekin esteainatuko da gaur Deitzen dizut, Virgilio Euskalduna Jauregian. Juan Carlos Perez da haren konpositorea, eta Bernardo Atxagaren testuak ditu oinarri, Written in USA poematik hartuak, zehazki.
Obra, soprano, koru, ahots mistoko koru, haur-koru eta orkestrarako idatzirik dago, eta egilearen hitzetan, "poetak AEBtik (Amerika) deitzen dio Virgiliori, eta denboraren joanaz hitz egiten dio. Bete gabeko itxaropenez. Garcia Lorcaz. Bakardadeaz. Beldurraz, letra larriz".
