Olentzero eta Mari Domingi Bilboko auzoetara helduko dira gaur

Abusu-La Peña

- Abenduak 24, osteguna - La Peña: Olentzero kantaria auzotik ibiliko da Olatxutik 18:30ean atera eta gero.

- Urtarrilak 5, asteartea - La Peña: Errege kabalgata 18:00etan irtengo da elizatik eta auzoa zeharkatuko du. Kalejiran, Gaiteroen elkarteak, Kahina y Cia batukadak, Disney fantasiak eta beste hainbat sorpresak alaituko dute giroa. Bukaeran, txokolatea eta bizkotxoa banatuko dituzte. 

Deustu

- Abenduak 24, osteguna: Eguerdiarekin batera umeentzako tailerrak egingo dituzte. 17:30ean kalejira abiatuko da Done Petri plazatik Deustuko kaleetan zehar. Bukaeran, erreketa eta txokolatada izango da.

Deustuko Jai Batzordeak baserritarrez jantzi eta parte hartzeko gonbita luzatu die herritarrei.

Uribarri

- Abenduak 24, osteguna: Olentzero eta Mari Domingi Artxandatik jaitsi eta Uribarriko kaleetan murgilduko dira auzokideekin batera kantatu eta dantzatzeko asmoz. 17:30etan, Traukoko Peatonalean txokolatada eta Garbi eta Galtzagorriak izango ditugu. Bertan ere, ongi etorria  egingo zaie Artxandatik astoarekin datozen Olentzero eta Mari Domingiri; hauek gutunak batu eta gero, 18:20 aldera, kalejira abiatuko da. 18:30etan, Eskoletako landan, Olentzerok eta Mari Domingik gutunak jasotzen jarraituko dute, dantza eta kantuan ibiltzeko aukera egongo da eta 18:45an, kalejiran Moraza plazara hurbilduko dira. Morazan ere, azken gutunak bilduko dituzte, gaztaina dastaketa egongo da eta musikak diroa alaituko du. 

Bukatzeko, 20:00etan, Olentzero eta Mari Domingik agur esango digute. Antolatzaileek baserritarrez jantzita hurbiltzeko deia luzatu dute. 

 Santutxu

- Abenduaren 24ean ere, Santutxun, Olentzero eta Mari Domingi ikusteko aukera egongo da 17:00etatik aurrera Basarraten. 

Zorrotza

- Abenduak 24, 17:30, Kantu-kalejira Olentzero, Mari Domingi eta Galtzagorriekin Feveko geltokitik trikitixas lagunduta. Ondoren, Olentzero eta Mari Domingiri gutunak emango dizkiete umeek Azokan.

- Abenduak 26, larunbata, egun osoan zehar, Euskal Selekzioaren aldeko eguna.

- Abenduak 28, astelehena, 18:30ean, gaztain erreen banaketa Zorrotza-Kastrexanan. 19:00etan, Trikiti-dantza poteoa.

- Urtarrilak 4, astelehena, 18:00etan, Errege Magoen desfilea Zorrotza-Kastrexana errepidetik. Gero, 19:00etan, Txokolate banaketa parkean.

- Urtarrilak 5, asteartea, 18:30ean, Zorrotza kantari Zorrozgoiti bidetik. 23:00etan, Jai antimonarkikoa kioskopean.