Kili-Kiliri eskainitako aldi baterako erakusketatik abiatu, eta Museoko erakusketa iraunkorreko zirrikitu guztiak ezagutzeko aukera izango dute txikienek. Hori guztia, arrantzalez edo artzainez mozorrotuta egingo dute. Bestalde, esku-lanak egiteko aukera ere izango dute, haien papera hobetu antzeztu ahal izateko.
Antolatzaileek adierazi bezala, doako tailerra izango da, eta martxoaren 25etik 26 bitartean egingo da. 11:00etatik 12:30ak arte luzatuko da jarduera, gehienez 25 pertsonek hartu ahal izango dute parte; 5-10 urte bitarteko umeek alegia.
Izen ematea 944 155 423 deituta edota press@euskal-museoa.org helbidera posta bidaliz egin ahal izango da.