Horietako lehenengoa Ikuska 3 da, Rekalde-Betolaza auzoaren omenez Antton Merikaetxebarria zinemagintzako kritikari eta teorikoak 1979an errodatutakoa. Dokumental horren bidez, garai hartako hiri-antolamendu eskasa salatzen da, bai eta horrek hiriguneetako periferietan eragindako ondorio suntsitzaileak ere, Bilboko zonalde horretan modu bereziki nabarmenean gauzatu baitziren. Pelikula horrek Film Laburrik Onenaren Urrezko Maskorra irabazi zuen Donostiako Zinemaldian.
Saioa osatzeko, Criss Cross & Deskarga batzuk proiektatuko dute, J. B. Heininkek 1982an egindako fikziozko film laburra, orduko gaueko Bilbon girotua. Pianista batek jazz-klubeko bere lanaldia bukatu du, goizeko ordu txikietan. Etxera bidean, gazte baten hilketaren lekuko da. Zinemagintza beltzaren alorrean euskal egileek inoiz egin duten saiakerarik bitxienetakoa da pelikula hau, eta 40ko hamarkadako Hollywood dakarkigu gogora. Bigarren saria jaso zuen Alcala de Henaresko Zine Jaialdian. Mario Negrete, Jose Antonio Perez, Jaime Chavarri, Lander Mendieta, Jon Lasuen, Reinhard Valeruz eta Annelise Lindegaard dira antzezleak. Max Steiner bikainak bere pelikula onenen musika gehitu zuen.
1970eko hamarkadaren amaieran eta 1980koaren hasieran girotuta egonik, pelikula bi horiek hiriaren irudi benetan bitxiak erakusten dituzte; horietako batzuk ezingo dira berriz errepikatu, eta beste batzuk, berriz, erabat aldatuta daude denboraren poderioz.
facebook.com/euskalmuseoabilbaomuseovasco
