Bost eskakizun zehatz dira: atzeraeraginez zorra kitatzeko etxea ordainetan ematea, bidezko alokairuak ezartzea, kaleratzeak gelditzea, etxebizitza sozialak sustatzea eta etxebizitzetako horniketa bermatzea. Bost neurri hauek aintzat hartuko dituen araudia aldarrikatzea du xede Nestorren martxak, "Estatuan milaka familiek pairatzen duten etxebizitza eta energia-pobrezia arazoei irtenbidea emateko".
'#TourLas5DeLaPAH' izena du Nestorren elkartasun proiektuak. A Coruñatik Bartzelonara bidean, gaur iritsiko da bere txirrindulako pedalei eraginez 20:00ak inguru direnean Guggenheim museora. Bertan zain izango ditu Bizkaiko PAH Kaleratzerik Ez! elkarteko kideak. Eurek emango diote ongi-etorria eta eurek emango diote aterpe gaur gauen. Larunbatean, Gipuzkoarantz abiatuko da Nestor.
Argazkiak: www.tercerainformacion.es eta facebook.com/ripolletpah