Gizarte Ekintza Sailak komunitatearen garapenerako, gizartearen partaidetzarako eta adinekoak sustatzeko dituen programen eta zerbitzuen bidez autonomia pertsonala eta bizi-kalitatea sustatu nahi ditu, baita bizimodu osasuntsuko ohiturak indartu ere.
Ildo honetatik, ekitaldi honetan, Gizarte Ekintza Sailak 94.211 euro bideratu ditu hiriko adinekoen 39 elkarteri onura egiten dioten akordioetarako. Diru-laguntzak zentroetan obrak egiteko eta ekipamendua erosteko dira.
Era berean, 2016an 745.000 euroko aurrekontu-atala dago adineko pertsonen 54 entitateren jarduerak, entitateen jarduna eta instalazioetako mantentze-lanak finantzatzeko.