Behategia, beraz, bada tresna bat, hobetzeko. Bada espazio bat, arlo akademikoaren eta administrazioen parte hartzeari begira. Bada jarrera bat, kontziente izanik hedabideek duten jatorria —herri ekimena—, eta helburua: euskal hiztunen komunitateari zerbitzua eskaintzea eta komunikazioa sustatzea.
Horretarako, Hekimen Euskal Hedabideen elkartea eta UPV/EHU, Deustuko Unibertsitatea eta Mondragon Unibertsitatea batu egin dira, hitzarmen bat sinatu dute elkarrekin eta lanean hasi dira.
behategia.eus
Ikerketak, txostenak, mapak, albisteak eta euskarazko komunikabideen datutegia kontsultatu ahalko dira webgunean.
Paperean argitaratzen diren hedabideak, irratiak, telebistak eta Interneteko komunikabideak aurki daitezke.
Horrez gainera, euskarazko komunikabideekin lotuta azkeneko sei urteetan egin diren hainbat ikerketa irakur eta deskarga daitezke.
Erronkak