Funtsean, Bilboko Udalak gogoratu du, Herritarrentzako Segurtasun Sailaren bitartez, debekatuta dagoela likido suharberak edo lehergaiak erabiltzea sua pizteko, bai eta ke toxikoak sortzen dituzten materialak erretzea ere.
San Juan gaueko suei eragin diezaieketen indarreko gainerako lege-arauak eta beste instituzio batzuek gai honi buruz plazara ditzaketen ohartarazpenak baztertu gabe, Udalak honako hau adierazi nahi du:
• Sua egiteko pilatzen diren materialek, erretzen hasi baino lehen, ez dute hiru metro baino gehiago izango.
• Erretzeko material horiek solidoak izango dira, eta ondorioz, debekatuta dago lehergaiak edo likido suharberak erabiltzea. Era berean, debekatuta dago ke handia sor dezaketen materialak erabiltzea (gurpilak, ehun-olioak, etab.).
• Sua edozein eraikin, linea elektriko, instalazio edo objektu finko nahiz mugikor eta mota guztietako ibilgailutatik 15 metrora jarri behar da gutxienez.
• Debekatuta dago sua urbanizatutako zoladuraren gainean jartzea, asfaltoa edo lauzak izan.
Udalak, halaber, laguntza eskatu die herritarrei, baimendu gabeko edota baldintza horietakoren bat betetzen ez duten suak piztearen aurka jokatzeko, 092 Bilboko Udaltzaingoaren telefonoaren bitartez.
Baimendutako suak
Horren haritik, Bilboko Udalak gogoratu nahi du suak pizteko ezinbestekoa dela Udaleko Espazio Publikoa Erabiltzeko Bulegoaren aldez aurreko baimena izatea. Aurten 14 dira guztira baimendutako suak, eta honako gune hauetan kokatuko dira:
• 1. Barrutia: Berrizko ibarbidea (Deustu), Elorriaga mendia (Arangoiti), Portueder plaza (San Inazio-Elorrieta), Eugenio Olabarrieta plaza, San Pablo elizaren atzeko aldean (Deustuibarra), Santa Maria Josefa Sancho de Guerra (Ibarrekolanda- Sarriko).
• 2. Barrutia: Uzturre plaza (Matiko).
• 4. Barrutia: Etxebarria parkea, Karmelo plaza (Santutxu).
• 5. Barrutia: Ibaieder parkea (Abusu), Goribibeaskobidea (Buia).
• 7.Barrutia: Eskurtze parkea (Irala), Vaguada plaza (Iturrigorri – Peñascal).
• 8. Barrutia: Alfonso Churruca kalea (Olabeaga) eta Azoka parkea (Zorrotza).
[2016-06-23] San Juan suak auzoz auzo