uriola.eus

20. Korrikak 40 kilometro egingo ditu Bilbon zehar

  Euskara  Bilbo

Ibilbidearen eta ordutegien berri eman dute Korrikako arduradunek. Apirilaren 6an, Zorrotza auzotik sartuko 20. Korrika Bilbon 17:00ak aldera eta, 40 bat kilometro egin ostean, Elorrietatik irtengo da 21:30ak inguruan. 

20. Korrikak 40 kilometro egingo ditu Bilbon zehar
Korrika 19 Bilbon (argazkia: www.korrika.eus) | Ikusi handiago | Argazki originala

2.535 kilometro egingo ditu Otxandiotik Iruñera bidean 20. Korrikak. Horietatik 40 kilometro Bilboko kaleetan egingo ditu apirilaren 6an, ostegunarekin bat. Arratsaldez sartuko da Ezkerraldetik Zorrotzara. 16:52ean aurrikusi du AEK-k Bilbora heltzea. Gutxi gorabehera lau ordu eta erdi emango ditu auzoz auzo. Elorrietatik irtengo da 21:30ak aldera, Sondikarantz. 

Aizu aldizkariak plazaratu du Korrikaren ibilbidea (hemen).

 

Kilometroak eskuragai

Korrikako arduradunek URIOLAri jakinarazi diotenez, Bilboko 40 kilometroak eskuragai daude jada. Kilometroren bat erosi nahi duenak AEK-ko edozein euskaltegira jo dezake, eta bertan jarriko dute harremanetan Korrikako ordezkariekin. 

 

Jaia otsailaren 11n

Berezitasun gisa, 20. Korrikako omenduei gorazarre egiteko, Korrikaren sortzaileei alegia, Irunen jai erraldoia antolatu du AEK-k otsailaren 11n. Jai horretara gonbidatuta daude Korrika maite duten lagun guztiak eta Korrikan parte hartu duten lagun guztiak. 

 

www.korrika.eus

www.aek.eus

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa