Etxerat plataformak salatu duenez, larunbatean Asier Ormazabal presoaren bi lagunek istripu larria izan dute presoari bisita egin eta etxera bueltatzen zihoazela. Biak zauri larriekin ospitaleratu behar izan zituzten.
Etxeratek bere webgunean aditzera eman duenez, prentsaurrekoa egingo du hurrengo asteazkenean dispertsio politikak ezartzen dituen arriskuak denuntziatzeko eta errepresaliatuen egoeraren inguruan urrats sendo bat emateko inplikazioa eskatzeko. Horrez gain, istripua salatzeko eta istripuaren biktimen senideei elkartasuna adierazteko elkarretaratzeak deitu ditu Hego Euskal Herriko 4 hiriburuetan:
Bilbo: asteartea, ekainak 6, 19:00etan, Arriagan.
Iruñea: astelehena, ekainak 5, 20:00etan, Alderdi Popularraren egoitza parean
Gasteiz: asteartea, ekainak 6, 19:30etan, Andra Mari Zuriaren plazan
Donostia: asteazkena, ekainak 7, 19:00etan, Benta Berri plazan (Antigua).