uriola.eus

Bilboko baldosaren itxurako tarta hiriaren sorreraren 717. urteurrena ospatzeko

  Jendartea  Bilbo

Begoñako Andra Mari Ikastetxeko hogei ikaslek Bizkaiko Gozogileen Alkartasunak hiriaren 717. urteurrena ospatzeko landutako Bilbao Tarta dastatu ahal izan dute. Hiriaren Astea programaren barruan antolatu dute, hurrengo egunetan egingo diren beste hainbat ekintzekin batera.

Udal gobernuak harrera egin dio gaur Bizkaiko Gozogileen Alkartasunari, hiriaren sorreraren 717. urteurrenaren ospakizunean. Urtero bezala, hiriko ikastetxe bateko ikasleak bertaratu dira. Aurtengo ekitaldian, Begoñako Andra Mari Ikastetxeko Lehen Hezkuntzako laugarren mailako hogei ikasle izan dira gonbidatuak. Bizkaiko Gozogileen Alkartasunak hiriaren sorreraren urteurrena ospatzeko uriko baldosaren itxura duen Bilbao Tarta dastatu ahal izan dute.

Elkarteak gaur egindako harrera instituzionala, Hiriaren Astea jarduera-programaren barruan antolatu da. Programa honek hainbat ekitaldi prestatu ditu hurrengo egunetarako: udaletxerako doako bisita gidatuak, Bilboko bandera igotzeko ekitaldia, Gau Zuriaren edizio berria, udal korporazioaren ohiko desfilea, eta hiriaren sortzailearen omenezko lore eskaintza herritarra plaza biribilean. Bertan, dantzariak, txistulariak, Bilboko ospetsuak eta hiriko bizitza sozial, kultural eta ekonomikoaren ordezkariak presente izango dira.

 

[2017-06-02] Argiz marraztutako lehenengo estropada argiztatuko du Gau Zuriak itsasadarrean

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa