Hilean 55 euroko alokairua ordaintzen dute Masterra edota Doktoretza egiten ari diren EHUko 45 ikaslek Bilboko Udal Etxebizitzak erakundearen jabetzako etxeetan, argi eta ur‐gastuak barne hartu gabe. Banakako gelak izaten dituzte beste ikasle batzurekin partekatzen dituzten etxebizitzetan. Sukaldeaz eta oinarrizko altzariez hornitutako etxeak dira. Alokairu "merkea" da, Bilboko Udal Etxebizitzak erakundearen arabera.
Trukean, gazteek Otxarkoagan eta Bilbo Zaharra auzoko komunitateen "bizitza hobetzen lagundu eta zeregin horretan parte hartzen dute". Finean, "dinamizazio" lana. Jasotzen dutenaren ordaina da. Hortaz, jaso eta eman egiten dute gazteek.
Zortzigarren deialdian, 2017/18 ikasturtean, 45 plaza jarri dira EHUko Graduondoko 18 eta 35 urte bitarteko ikasleen eskura. Izena emateko epea irailaren 15ean bukatuko da.
Info + www.gazteaukera.euskadi.eus eta www.ehu.eus