Bilbo inguruko taldeak irailaren 26an aurkeztuko du bere bigarren diskoa. Lehenengoa bezala, Garate estudioan grabatu du, Kaki Arkarazorekin, eta Baga-Biga diskoetxeak argitaratuko du, Banden Lehia irabazi izanaren sari gisa.
Bandak twitter bidez jakinarazi duenez, lan berria bi aste barru kaleratuko du. Hala ere, Afera Ustela disko berriko abestia entzungai dago jada eitb.eus-en.
Zazkel
80ko hamarkadako talde euskaldun zein atzerritarren erritmoetan oinarrituta, Euskal Pop Erradikala aldarrikatzen du Zazkel taldeak, dantzarako eta abesteko aukera emanez. Pop eta disco musika lantzen du, baina afrobeat eta funk bezalako estiloak ere kontuan hartzen ditu bere konposizioetan.