uriola.eus

Gazteentzako lehenengo ikerketa-zentroa

  Hezkuntza  Bilbo

Elhuyar Fundazioaren plan esperimental honek Euskadin gazteentzat izango den lehenengo ikerketa-zentroa Bilbon sortzea du helburu. Ikerketa-zentroa Bidarte eraikinean kokatuko da, Deustuko Barrutiko udaltegian.

Gazteentzako lehenengo ikerketa-zentroa
Bizilabeko gazte zientzialaria | Ikusi handiago | Argazki originala

Elhuyar Fundazioak eta Bilboko Udalak programa esperimental bat jarriko dute martxan, 12 urtetik 17ra bitarteko, Bigarren Hezkuntzako eta Batxilergoko, ikasle gazteen artean ikerketa, zientzia eta teknologia sustatzeko; programa horretan, aisia erabiliko da gazteak erakartzeko foku nagusitzat.

Horretarako, tailer erakargarri batzuk antolatu dira urrian eta azaroan eskolaz kanpoko ordutegian egingo direnak eta abenturen eta zientzia-esperimentuen bidez ikerketara hurbiltzeko balioko dutenak. Ikertzaileek eta aitorpen handia duten profesionalek gidatuko dituzte tailer horiek, eta haien bidez lortu nahi da hirian etorkizun handikotzat jotzen diren sektoreetarako interesa piztea gazteen artean.

Plan pilotu horren atzean, Bilbon Euskadiko lehenengo gazteen ikerketa-zentroa sortzea da lehentasunezko helburua; bertan, jolas eta ikerketa jarduerak egingo dituzte adin horretako gazteek. Bidarte eraikinean kokatutako Deustuko Barrutiko Udaltegia aukeratu da BIZILABE zentro aitzindaria kokatzeko; zentro hori, fase esperimental honen ondoren, 2018ko urtarriletik aurrera hasiko da errendimendu osoz funtzionatzen.

Tailerrak

Abian jartzeko aurretiazko fasean, proba pilotu gisa, 12 urtetik 14rainoko eta 15 urtetik 17rainoko gazteentzako tailerrak antolatu dira, urrian eta azaroan egingo direnak. Gazteenen artean, musika-teknolaborategi bat eta kimikarekin esperimentatzeko tailer bat jarriko dira abian. Azken horretan, litxarreriaren testurak, koloreak, zaporeak eta usainak sortu eta manipulatuko dira.

Batxilergoko ikasleentzat den bigarren multzoan, asmakari elektronikoak diseinatzeko eta eraikitzeko jarduera bat eta ikerketa mikrobiologiko eta bioteknologikoa erabiliz misterio kriminal bat argitzeko tailer bereziak programatu dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa