uriola.eus

'Emakumeen egia aitortu. Nik sinesten dizut'

  Jendartea  Bilbo

Indarkeria jasan duten andreen lekukotzak jasoko dituzte 'Emakumeen egia aitortu. Nik sinesten dizut'  igande honetako ekitaldian.

'Emakumeen egia aitortu. Nik sinesten dizut'
Ekitaldiaren aurkezpena | Ikusi handiago | Argazki originala

Foro Sozialeko kide den Teresa Toda eta Gogoetabidean taldean aritzen diren Mari Luz Estebane, Jone Goirizelaia eta Saioa Iraola egongo dira igande honetako ekitaldian. Beraien esanetan, Euskal gatazkaren inguruko indarkeria adierazpenak askotan beste biolentzia mota batzuekin gurutzatu dira, eta, bereziki, emakumeen aurkako bortizkeria sexistarekin.

Horregatik egingo dute urriaren 8ko ekitaldia. Horren xedea da «azken 50 urteetan indarkeria matxistaren aldaerak bizi izan dituzten emakumeak elkartzea», eta indarkeria horien «aitortzan» urratsak egitea: «Oinarrizkoa da jendartean dauden askotariko indarkeriak aitortzea, eta ez soilik euskal gatazka deiturikoarenak». Emakumeen arteko elkartasuna sustatzea ere bada ekitaldiaren beste helburuetako bat.

Proposamena ekimen bati hasiera ematea da eta horren abiapuntua izango da ekitaldia, urriaren 8an, 12.00etan, Bilboko  OAL Bilbao Musika eskolan, Solokoetxeko lorategian. Bertan, hainbat emakumek euren testigantzak kontatuko dituzte eta entzuketa eta aitortza kolektibo bat irudikatuko dute. Erreparazioa eta justiziaren bidean, lehen urratsa gertatutako zalantzan ez jartzea eta sinestea, finean, aitortza egitea baita.


2017/10/08 12:00 - 14:00

Bilboko OAL Bilbao Musika eskolan Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa