uriola.eus

Irakurle taldea euskaraz irakurtzeko eta hausnartzeko

  Kultura-aisialdia  Bilbo

Euskaraz daunden eleberriak irakurtzeko eta bertan agertzen diren pertsonai, argumentu, estilo eta mezu desberdinei buruz hausnarketak egiteko irakurle taldea antolatuko dute Bilboko Foru Liburutegian.

Irakurle taldea euskaraz irakurtzeko eta hausnartzeko
Foru Liburutegia | Ikusi handiago | Argazki originala

Sei hilabetez, Foru Liburutegian bilduko dira hainbat liburuz solastatzeko. Taldean, batetik, irakurritako liburuaz hausnartuko dute, analisi bat eginez. Liburuko alderdi ugariri erreparatuko diete: pertsonaiak, narratzailea, argumentua, gaia, gogoetak, mezuak, estiloa, eta abar. Bestetik, ikuspuntuak eta iritziak ere agertzeko aukera egongo da.

Jarduerak bi zati izango ditu: batetik, partaide bakoitzak irakurriko du aurrez proposatutako liburua; bestetik, ostegunetako bileran irakurritakoa aztertuko da. Egutegia honak hoau izango da: 2018ko urtarrilaren 25etik ekainaren 14ra, ostegunetan (hamabostero), 18:00etatik 20:00etara (azken saioa 19:30etan amaituko da)

Bizkaiko Foru Liburutegiko 2. solairuan izango dira bilerak. Eta izen ematea ere bertan izango da. 2018ko urtarrilaren 8tik 23ra (epea urtarrilaren 8an goizeko 08:30etan irekiko da), Foru Liburutegian bertan ala webguneko formularioaren bidez. Gehienez 20 pertsonako taldea izango da.

Helburuak

  1. Arestian argitaratutako euskarazko liburuak irakurtzea eta aztertzea.

  2. Azaleko irakurketatik aino harago joatea eta analisian murgiltzea.

  3. Ikuspuntuak eta iritziak agertzea.

  4. Lan-taldean aktiboki parte hartzea. Elkarri azaltzea iritziak. Konpartitzea.

  5. Denon artean aberastea egindako irakurketa. 

 

Dinamizatzailea:

Txani Rodríguez (Laudio, 1977). Kazetaria, zutabegilea eta idazlea. Komikien gidoiak sinatu ditu, horien artean aipatzekoa da La carrera del sol (Sauré, 2008), hainbat hizkuntzatara itzulia. Kontakizunen liburua ere argitaratu du: El corazón de los aviones (Elea, 2005). Eleberri hauek ere kaleratu ditu: Lo que será de nosotros (Erein, 2008), Agosto (Lengua de trapo, 2013) eta Si quieres, puedes quedarte aquí (Tres Hermanas, 2016). Haurrentzako liburuetako idazlea ere ba da: Ez naiz barazkijale (Elkar, 2015) eta Artzaina izan nahi dut (Elkar, 2013).

Irakurgaiak

  • Urtarrilak 25: Labur txintan / Juan Kruz Igerabide
  • Otsailak 8: Bihotz handiegia / Eider Rodríguez
  • Otsailak 22: Gelditu zaitezte gurekin / Ana Malagón
  • Martxoak 8: Horma / Anjel Lertxundi
  • Martxoak 22: Beruna patrikan / Ander Izagirre
  • Apirilak 5: Honetara ezkero / Arantxa Iturbe
  • Apirilak 19: Linbotarrak / Asier Serrano
  • Maiatzak 3: Janis Joplin / Uxue Alberdi
  • Maiatzak 17: Haizeari begira / Jon Ariza de Miguel
  • Maiatzak 31: Hitzontziak / Xabier Montoia
  • Ekainak 14: Bi aldiz erditu zinen nitaz, ama / Alaine Agirre

Bestelakoak

Horretaz gain, Foru Liburutegiak, besteak beste, honako hitzaldi hauek antolatu ditu Literatura Topaketetan (lehenbiziko biak arratsaldeko 19:00etan; hirugarrena ordubete lehenago):

  1. Ana Malagón (otsailaren 22an)
  2. Asier Serrano (apirilaren 19an)
  3. Alaine Agirre (ekainaren 14an) 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa