uriola.eus

Sardinaren hileta, Bilboko Aratusteen azken ekitaldia

  Jaiak  Bilbo

Aratusteen amaiera iritsi da Bilbo erdigunean. Gaur bilbotarrek Aratusteei agur esango diote sardinaren hiletarekin.

Sardinaren hileta, Bilboko Aratusteen azken ekitaldia
Sardinaren hileta 2017 (Iñigo Azkonaren Argazkia) | Ikusi handiago | Argazki originala

Gaur bukatuko dira Bilbon otsailaren 3an Kopla Txikien Lehiaketarekin hasi ziren Aratusteak. Inauterietako martitzena izaki, sardina erreko dute gaur arratsaldean Bilbon. Horrekin, amaiera ipiniko diote 10 egunetako jaiari.

Ekitaldia Plaza Barrian hasiko da 19:30ean. Sardinaren hileta Bilboko Konpartsek eta Jai Batzorde Mistoko kideek herritarren artean banatuko dituzten kandelak piztearekin bat. Alde Zaharreko kaleetan zehar, ordu erdiz, tristura eta pena adieraziko dute sardinaren ehorzketako partaideek.

Arriaga Antzokian 20:00etan piztuko dute sua sardina erretzeko eta 2018ko Aratusteei behin betiko agur esateko. Antolatzaileek, egitarauan dauden ekintza guztietan bezala, jendearen parte hartzea eskertuko dutela adierazi dute.

2018/02/13 19:30 - 21:00

Arriaga Antzokia | Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa