Dezepzioa, desilusioa, desengainua, kamusada, ezustea, frustrazioa: horrelakoak dakartza gogora Chichinabo Cabaret obrak. Kabaret honetan hainbat gai aztertzen dira: utopiaren faltsutzea, ordezko errealitateak dakarren asetasun eza eta bete gabeko promesen sedimentu mikatza. Sarkasmo eta umore finez landuko da hori guztia.
Pabellon 6 antzerki-laborategiak Euskaldunan aurkeztuko du kabaret hori, kabaret “mental, irrizko eta japoniar bat”, zeinek ironia samurrez islatzen baitu zer-nolako arazoak dituzten gaur egungo gazteek lan-munduan sartzeko. Horretarako, langabezian dagoen gazte baten burmuinean sartuko dira, hark bere oroitzapenak eta etorkizuneko asmoak errepasatu ahala, autoestimu arrasto baten bila.
Burmuinaren barrenera egindako bidaia bat da honakoa, krisi-garaietan autoestimua berreskuratu nahian, aktore hauen guztien eskutik: Ugaitz Alegria, Irene Bau, Jon Casamayor/Koldo Olabarri, Izaskun Fernandez, Quique Gago, Olatz Ganboa, Karmele Larrinaga, Iñaki Maruri, Itxaso Quintana eta Mitxel Santamarina.
Sarrerak
Lehiatiletan: Astelehenetik larunbatera (jaiegunetan izan ezik), 17:00etatik 20:00etara. Ikuskizunaren egunean (jaiegunak barne), 12:00etatik 14:00etara eta 17:00etatik ikuskizuna hasi arte.
Salmenta kutxazainetan: BBK Kutxazain automatikoak.