2013ko ekainaren 14an, gaur 5 urte, ICANN (Internet Corporation for Assigned Names and Numbers) erakundeak Euskararen eta Euskal Kulturaren Komunitatearen .eus domeinua onartu zuen. Urtebete oso bat ebaluazio fasean eman ondoren iritsi zen albistea.
.eus domeinuaren lorpena proiektua jaio zenetik sei urte igarota iritsi zen, eta hitz hauek erabili zituzten PuntuEUS Fundazioko ordezkariek ekainaren 15ean, prentsaurrekoan, lorpena azpimarratzeko: "iritsi da urteetako lana eta pazientzia eskatu duen prozesuaren emaitza.
Euskararen herriaren nazioarteko aitortza: .eus lehen mailako Interneteko domeinu bat baita, hau da, komunitatearen garapen lokalerako tresna global bat". 5 urte honen ostean 8437 domeinu desberdin daude eta 10.000 domeinura laster heltzea espero du PuntuEUS fundazioak.