uriola.eus

40 urte betetzen dituzten konpartsek urteurren jaia antolatu dute larunbatean

  Jaiak  Bilbo

Tintigorri, Bizizaleak, Hontzak, Txomin Barullo, Moskotarrak, Pinpilinpauxa eta Uribarri konpartsek 40 urte beteko dituzte aurten. Hori ospatzeko urteurren jaia antolatu dute bihar Areatzan.

Aurten, aipatutako 7 konpartsa horiek 40 urte beteko dituzte. Guztien artean 40 urte eta gaztaruan urteurren jaia antolatu dute. Jaia bihar hasiko da eguerdian Bilboko Areatzan.

Bertan, umeentzako jolasak egongo dira: Balbi magoa, aurpegia margozteko lekua, Txapa tailerra eta Zunba besteak beste. 15:00etan konpartsakideek bazkaria izango dute Areatzan jarriko duten karpan.

Arratsaldean, berriz, kontzertuen unea izango da. Arratsaldeko 18:00etatik aurrera, Ou Mama!, Band Jovi eta Lehian erromeria taldeak zuzenean ikusteko aukera egongo da.

2018/07/07 12:00 - 23:16

Areatzan Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa