Etxerik ez duten pertsonen bizitza baldintzak hobetzeko bi proposamen aurkeztu ditu UdalBerrik

Orain urtebete, Podemos, Ezker Anitza- IU eta Equo Berdeak osatutako koalizioak proposamen bat defendatu zuen, etxerik ez duten pertsonen edo bizitegi-bazterkeriako egoeran daudenen erroldatzean sartzeko aukera bermatzeko helburuarekin. Amaia Arenal zinegotziak azaldu duenez orduko hartan ez zuten akordio eraginkorrik lortu, “baina argi geratu zen interes partekatu bat zegoela erroldatze sozialaren hobekuntzan aurrera egiteko”.