Aurrekontu elektoralista izango du Bilbok 2019an, herritarren eta auzoen arazoen zati handi bat bazterrean utziko duena
Aurrekontu horiek hazi egingo direla eta zorra zerora ekarriko dela dio gobernuak aldarrikatzen duen titularrak. Baina horretan zerikusi handia du Udalkutxaren ekarpen gehigarriak, iazko zifra gainditzen baitu ekarpen horrek, ia 11,6 miloi euro gehiagorekin, eta hori oso ondo etorri zaie egungo aurrekontuak apaintzeko. Gainera, muturreko austeritatea ez da positiboa herritarren premietan inbertitzeari uzten bazaio.