uriola.eus

Manifestaldia egingo dute Bilbon Munduko Giza Eskubideen egunean

  Jendartea  Bilbo

Giza  Eskubideen  Deklarazio  Unibertsalaren  70.  urteurrena  beteko da.  Hori  dela  eta,  Bizitegi  elkarteak, Amnista Internacional, Ongi Etorri Errefuxiatuak, Aletu eta Bilboko Auzoarteko Elkarteekin  batera manifestaldia antolatu du Bilboko Moyua Plazatik abiatuz Pio Baroja Plaza arte bere betekizunak duen garrantzia berrindartzeko.

Manifestaldiaren ibilbidea Doctor Deseo musika taldearen abeslariak, Francisek girotuko du bere musikarekin  eta  bere  ahotsarekin  biztanlegoa  gehitzera  animatuz.  Ondoren,  Pio  Baroja  plazan  Giza  Eskubideen  inguruan  performance-a  hasiko  da,  rap  saioa  Beto  Snay-rekin  eta txalaparta emanaldia Iker eta Patxirekin. 
 
Oraingo honetan, gaur egungo gizartean Giza eskubideek duten sentsuari buruzko gogoeta hau ahalik eta elkarte gehienekin partekatzea nahi dute. Azaldu dutenez: "Proposamen honen helburua ez da atzera-begirada  bat  besterik  ematea,  baizik  eta,  itxaropen  bat  izan  zen  horrek,  gaur  egun  bere garaiko indarra mantentzen ote duen ikustea."
 
Gauzak horrela,hau lortu nahi dutela azaldu dute: "diskurtso itxaropentsu berri bat emateko asmotan, erronka berrien aurrean erantzuteko gaitasunarekin, eta itxaropen  eta  ilusioa  eskaintzeko  gaitasunarekin,  bidezkoagoa  den  mundu  bat  lortzeko  borrokan ahalik eta pertsona gehien elkartu nahi ditugu."
 
Beraz, abenduaren 10ean ospatuko duten ekintza kolektiboan parte hartzeko gonbidapena luzatu diete herritar guztiei. Giza eskubideen inguruan dauden gabeziak salatzeko eta eraiki  nahi  duten  bidezkoagoa  den  gizarteak  izan  behar  dituen  baloreen  inguruko  konpromezu kolektiboa adierazteko. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa