uriola.eus

Guneberri eta Kideberri programetan izena emateko epea ireki dute

  Kultura-aisialdia  Bilbo

Bilboko Udalak gaur, hilak 11, ireki du umeentzako Guneberri eta Kideberri programetan izena emateko lehen epea. Guneberri programak 264 plaza ditu 5 eta 8 urte bitarteko umeentzat (2010 eta 2013 bitartean jaiotakoak), eta Kideberri programak 120 plaza dauzka 9 eta 11 urte bitarteko neska-mutikoentzat (2007 eta 2009).

Izena emateko modu hauek daude: www.bilbao.eus webgunean; 010 / 944 010 010 udal telefonoan; edo “Bilbao Click” bulego elektronikoetan (udaltegietan eta San Agustin eraikinean daude), udalaren web gunera eramaten duen botoiaren bidez.

Plazak zozketa publikoan esleituko dira, martxoaren 14an. Hurrengo egunetik hasita, martxoaren 15ean, emaitzak kontsultatu ahal izango dira. Martxoaren 20ra arte eman ahal izango da izena, goian aipatutako modu eta leku berberetan.

Programak apirilaren 23tik 26ra egingo dira, 09:30etik 14:00ak arte, Deustu, Castaños, Otxarkoaga, Begoña, Zazpi Kaleak, Irala eta Zorrotzako udaltegietan eta Sánchez Marcos eskolan (Concha jenerala 18). Sartzeko ordua malgua izango da, 09:00etan hasita.

Hauek dira programen prezioak: 16,20 euro, arrunta; 10,75 euro familia ugarientzat; eta 6 euro Diru-sarrerak Bermatzeko Errenta jasotzen dutenentzat.

“Bost zentzumen baino ez?” izango da jardueren ardatza. Umeek esperientzia berriak izango dituzte zentzumenak erabilita, ukituz, usainduz, ikusiz, probatuz, entzunez… inguruan zer dagoen sentituz. Programak euskeraz zein gazteleraz egingo dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa