Dibertsitate funtzionala duten emakume eta neskek Bilboko Udaleko zerbitzu eta baliabideetarako irisgarritasuna izateko tresnak eskatu ditu UdalBerrik

Ahal dugu, Ezker Anitza – IU eta Equo Berdeak alderdiek osatutako udal-taldeak martxoko osoko bilkuran dibertsitate funtzionala duten emakume eta neskek bizimodu autonomoa izateko eta bizitzaren alderdi guztietan baldintza berdinetan bete-betean parte hartzeko aukera izan dezaten bermatzeko tresnen beharra defendatuko du. Amaia Arenal, Zinegotziak adierazi duenez “horretarako, emakume eta neska horien proposamenak eta berariazko premiak udal-politika guztietan zeharkako bihurtu behar dira”.