uriola.eus

Martxoaren 28an hezkuntza sistemaren kontrako mobilizazioa antolatu du Ikasleok Zorrotz mugimenduak

  Hezkuntza  Bilbo

Bilboko Hezkuntza Delegaritzan elkartuko dira 12:00etan, “hezkidetza, euskara, ikas baldintza duinak eta eduki propioak” aldarrikatzeko.

Ikasleok Zorrotz mugimenduak manifestaldia antolatu du martxoaren 28rako. 12:00etatik aurrera, Bilboko Hezkuntza Delegaritzan elkartuko dira “inposizio espainol, matxista eta autoritarioen” kontra altxatzeko “Ikasleok, dagokiguna borrokatu!” lelopean. Bizkaiko ikasle mugimenduari luzatu diote gonbita.

Mugimenduak ikasleen borroka “ezinbestekoa” dela azpimarratu du, “Euskal Herriak hezkuntza sistema propio eta burujabe bat” izan dezan. Egungo hezkuntza sistema izango da mobilizazioaren jomuga, Ikasleok Zorrotzen aburuz “hautaketa tresna” dena, eta “hezkidetza, euskara, ikas baldintza duin eta eduki propioak” aldarrikatuko dira. Mugimenduak “nork bere ikastetxetik” abiatzera deitu du.

2019/03/28 12:00 - 13:30

Bilboko Hezkuntza Delegaritza Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa