uriola.eus

Ekozinemaldiaren 13. edizioa hasiko da astelehenean

  Kultura-aisialdia  Bilbo

Euskal Herriko hainbat herritan antolatuko da jaialdia. Bilbon, 25etik 27ra egongo dira proiekzioak.

Martxoaren 25etik 30era bitarte Ekozinemaldiaren 13. edizioa ospatuko da. Euskal Herriko 13 herritan egongo dira proiekzioak. Bilbok hiru egunez hartuko du jaialdia, martxoaren 25etik 27ra arte, eta film guztiak Bilborocken ikusi ahal izango dira. Antolatzaile den Ekologistak Martxan elkartearen arabera, “ekoizpen eta kontsumo eredu kapitalista eta globalizatu” honen ondorioak eta horiei aurre egiten dietenen istorioak helaraztea da jaialdiaren helburu nabarmenena.

 

Hona hemen Bilbon antolatu dituzten proiekzioak:

EGITARAUA:

MARTXOAREN 25EAN, ASTELEHENA, 19:00ETAN, Tigernut, la patria de las mujeres íntegras dokumentala proiektatuko da. Sari ugari irabazi ditu Espainiako txufaren sektoreko enpresari batzuek iruzurrez Burkina Fasoko eta Maliko komunitate nekazarien tokiko ekonomia porrotera eraman izana salatzen duen film honek.

Mousso Faso, la patria de las mujeres íntegras. 80 min.
Zuzendaria: Antxon Monforte.
Trailerra: 
https://www.youtube.com/watch?
Gaztelaniaz.

MARTXOAREN 26AN, ASTEARTEA, 18:00ETAN, bizitza eta naturaren alde egiten duten emakumeak jarriko ditugu solasean. Batetik, El Salvadorreko VIDALINA MORALES ekintzailea (Euskal Herritik biran dagoena) eta SILVIA FEDERICI ikertzaile feminista eta marxista ekarriko ditugu Bilborockera. Vidalina Morales metal meatzaritzaren aurkako borrokan buru izan zen, hainbat emakumerekin batera, hamarkada bat baino gehiagoz. Haien borrokari esker, munduan meatzaritza mota horren aurkako lehe legeria onartu zen. Lan hori azaltzen du proiektatuko dugun dokumentalak, No tenemos miedo. Silvia Federicik Calibán eta sorgina edo Soldataren patriarkatua bezalako obra bikainen egilea da. Bestetik, Euskal Herriko hiru ekintzaile izango ditugu, haien borrokak ikuspuntu ekofeministatik azal diezazkiguten. Muskizko Coke Ez koordinadorako SARA IBÁÑEZ, Ekologistak Martxaneko ROSA LAGO eta Errekaleor Bizirik kolektiboko ESTITXU VILLAMOR izango dira.

No tenemos miedo. 22 min.
Zuzendariak: Glenda Alexandra Castro, William Alberto Gómez, Kevin Guzmán.
Filma gaztelaniaz proiektatuko da. Solasaldia euskaraz, gaztelaniaz eta ingelesez izango da (aldibereko itzulpenarekin).

MARTXOAREN 27AN, ASTEAZKENA, 19:00ETAN, Aralar, mundua leku den lurra dokumentala aurkeztuko dugu.Aralarko ondare natural eta kulturalaren leiho izateaz haratago, hausnarketa eta gogoetarako bide ematen duen pelikula da. Adituen adierazpenek eta mundu oniriko bateko pasarteek, Nafarroa eta Gipuzkoaren mugan dagoen mendilerro honen balioa ezagutzera ematearekin batera, kontserbaziorako deia egiten dute. Bertan bi zuzendari izango dira, Aloña Jauregi eta Ion Fontenla.

Aralar, mundua leku den lurra. 85 min.
Zuzendaria: Garazi Auzmendi, Iban Toledo, Aloña Jauregi, Ion Fontenla.

Trailerra: https://vimeo.com/288001974
Euskaraz, azpitituluekin.

Bilboko egitarauaren antolatzaileak: Tradener, Ekologistak Martxan, Mugarik Gabeko Ingeniaritza, UPV-EHU eta Ongi Etorri Errefuxiatuak. 


Informazio gehiago: 
http://ekozinemaldia.blogspot.com

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa