uriola.eus

16 ikastetxetako 300 ikasle inguruk proiektu zientifiko eta artistikoak aurkeztuko dituzte ostiral honetan Bilbon

  Hezkuntza  Bilbo

Bilboko Gotzaindegiko ikastetxeek lehen STEAM azoka ospatuko dute bokazio zientifikoak sortzeko: STEAM jakintzagaietan (zientzia, teknologia, ingeniaritza, artea eta matematikak) oinarritutako berrogeita hamar egitasmo inguru aurkeztuko dituzte.

Elizbarrutiko Ikastetxeak (EBI), Bilboko Gotzaindegiaren mendeko ikastetxeen taldeak lehen ‘EBI STEAM Azoka” ospatuko du datorren apirilaren 5ean, ostirala. Zientzia eta artea uztartzen dituen azoka honetan, adin guztietako 300 ikasle inguruk gaur egun ezinbestekotzat jotzen diren STEAM jakintzagaiei (zientziak, teknologia, ingeniaritza, artea eta matematikak, ingeleseko siglen arabera) lotutako 50 egitasmo inguruaurkeztuko dituzte. 

Horrela, azokak helburu bikoitza du. Alde batetik, hezkuntza-sareak bokazio zientifikoak sortu eta bultzatunahi ditu ikasleen –mutil nahiz nesken- artean, eta, bestetik, azken urteetan ikastetxe eta ikastoletan ezarritako metodologia berritzaileen, nagusiki egitasmo eta erronketan oinarritutako irakaskuntzaren, emaitzak erakutsi.   

Bilboko Gotzaindegiaren mendeko sareak 16 ikastetxeditu Bizkaia osoan, ikastola, ikastetxe eta lanbide heziketarako ikastegi, 10.500 ikasle inguruk ikasten dute bertan eta 900 ikaslek baino gehiagok dihardute lanean. Oraingoan, Bilboko Begoñazpi ikastolako polikiroldegian ospatuko den ekitaldi honi goizeko 10:00etan emango diote hasiera.

Ondoren, ikasle eta irakasleek egitasmo zientifiko, teknologiko eta artistikoak aurkeztuko dituzte.  Ikasleek, beraz, egitasmo berritzaileak aurkezteko aukera izango dute, hala nola: automobil elektrikoak, robotak, kirol-ferulak, errealitate birtualerako tresnak,belarra mozteko makina elektrikoak, eguzki-labeak, ilargian bizi ahal izateko konponbideak edo irisgarritasuna hobetzeko baliabideak, besteak beste. 

 

2019/04/05 10:00 - 14:17

Begoñazpi ikastola Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa