uriola.eus

Abiatu da euskara ikasteko diru-kaguntzetarako deialdia

  Euskara  Bilbo

Deialdia 2018-2019 ikasturterako da, guraso, aisialdiko begirale eta kopuru jakin batetik beherako diru-sarrerak dauzkaten pertsonek euskara ikasten egindako gastua ordaintzeko. Diru-laguntza, beraz, ikasturtea amaitzen denean ordainduko da, betiere baldintza jakin batzuk bete badituzte.

Bilboko Udalak onetsi du Gobernu Batzordean euskara ikasteko ematen dituen diru-laguntzetarako deialdia, 209.000 eurokoa.

Diru-laguntza hauek ikasturte honetarako dira, 2018-2019, hau da, 2018ko uztailaren 1etik 2019ko ekainaren 30era artekoak. Bizkaiko Aldizkari Ofizialean argitaratu ostean, diru-laguntzak eskatzeko epea hasiko da, eta izapide guztiak egin ostean ordainduko dira. Eskabide guztiak ebaluatuko dira, eta oinarrietan ezarritako irizpideak betetzen dituztenei, diru-laguntza eman ahalko zaie.

Bilboko Udaleko Euskara eta Hezkuntza Sailak urtero-urtero egiten du euskara ikasteko diru-laguntzetarako deialdi hau.  Diru-laguntza jasotzen duten pertsonek Bilbon egon behar dute erroldatuta, baina, horrez gain:

  • Seme-alabekin euskaraz egin nahi dutelako euskara ikasi nahi duten gurasoentzat izango dira, familia barruko erabilera ere indartzearren.
  • Haurren eta gaztetxoen aisialdiko edo kiroleko begiraleentzat izango dira. Aisialdi antolatuek egungo jendartean zer garrantzi duten ikusirik, eta pertsona horiek haurrekin eta gaztetxoekin etengabe harremanetan daudenez gero.
  • Errentaren araberako kolektiboa. Gizartearen zati handi batek bizi duen ekonomia-eta lan-egoera larria dela-eta, eta ikusirik euskara ikasteko gizartean dagoen eskaera, kopuru jakin bat gainditzen ez dituzten diru-sarrerak dauzkaten pertsonentzat ere izango dira diru-laguntzak, eta horien bizikidetza- edo familia-unitateko pertsonenentzat ere bai.

Lehenengo aldiz, online eskatu ahal izango da Udalaren webgunearen bitartez, atal honetan: www.bilbao.eus/euskara_dirulaguntza. Horrez gain, aurreko edizioetan bezala, Erregistroan eta Herritarrentzako Arretan eska daiteke, eta dirulaguntzarako dokumentazioa ere bertan utzi ahal izango da.

Iaz, 299 pertsonak jaso zuten diru-laguntza hau, guztira 155.922,71 euro. Diru-laguntza horietatik,  % 82 gurasoentzat izan ziren, % 8 aisialdiko begiraleentzat, eta gainerako % 10a DSBEa jasotzen duten pertsonentzat.

Beste alde batetik, 101 pertsonari ezin izan zitzaion eman diru-laguntzarik, ez zituztelako betetzen baldintzak, hala nola klaseetara ez huts egitea, ikasturtea ez errepikatzea, Bilbon erroldatuta egotea, eta abar…

Aurten ere, beraz, egingo da deialdi hau, haurren eta gaztetxoen artean hizkuntza transmititzen gehien eragiten dute kolektiboen artean euskararen erabilera sustatzearren, eta euskara komunikazio-hizkuntza izan dadin Bilboko herritarren eguneroko ekintzetan. Eskabideak egiteko epea maiatzaren 20tik ekainaren 4ra arte izango da.

Diru-laguntza hauek jasotzeko eskabideak non entregatu behar diren:

  • Udalaren web gunearen bidez: Bilbao.eus
  • Erregistro bidez:
    • Erregistro Orokorrean (San Agustin erakina, Ernesto Erkoreka plaza 12, 1. B).
    • Erregistro deszentralizatuetan: 
      •Abando-Indautxuko barrutiko udaltegia (Elkano kalea, 20-22)
      •Basurtuko barrutiko udaltegia (Zankoeta 1)
      •Begoñako barrutiko udaltegia (Calle Club Deportivoren Zirko Amateur 2)
      •Deustuko barrutiko udaltegia (Lehendakari Agirre, 42).
      •Ibaiondoko barrutiko udaltegia (Pilota kalea, 10)
      •Errekaldeko barrutiko udaltegia (Altube zeharkalea, 6)
      •Santutxuko barrutiko udaltegia (Remigio Gandasegi 6)
      •Txurdinagako barrutiko udaltegia (Txomin Garat, 12-18)
      •Uribarriko barrutiko udaltegia (Iturriondo 4)
      •Zorrotzako barrutiko udaltegia (Clara Campoamor 1).

Euskara ikasteko diru-laguntzaren oinarritzat hartzen dira hemen ezarritako helburuak: Plan de Acción del Uso del Euskera (ESEP).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa