uriola.eus

Yogurinha Borovak 'Sentipenak Askatu' abesti berria aurkeztu du

  Kultura-aisialdia  Bilbo

Bira Kulturan aurkeztu du Inun eta Bihotz Gorosperen laguntzarekin egindako lan berria.  'Sentipenak Askatu' Aniztasun Afektiboaren gaia lantzen du eta bideoklipean Dimako eskolako ikasleen laguntzarekin grabatu du.

Yogurinha Borovak bere abesti berria aurkeztu du Bilboko Bira Kulturan. "Sentipenak Askatu", Bihotz Gorospek eta Mikel Inun musikariek konposatu dute. Abesti honekin Aniztasun Afektiboaren gaia haurren errealitatera gerturatu nahi izan dute. Ideia hau gai honen inguruan erreferente berriak eta hezkuntza materiala sortzeko beharretik jaio zen.

Hori dela eta, Dimako eskolako ikasleak dira bideokliparen protagonistak. 

 

Letra:

BARTOLOK EZ DU MARI

BERE AMETS GOZOETAN

BAI ORDEA JOSE MARI

HAU MAITE DU BENETAN

ZER DIREN ESAN EZINIK

DABILTZ EZKUTAKETAN

ETA TRISTURAZ BETERIK

BIZI DIRA PENETAN (Penetan)

MAITATU BIHOTZEZ INOIZ EZ EZKUTATU SENTIPENAK ASKATU ZARENA KANPORATU (BIS)

 

JUNEK ANE MAITE DU

BEGIETAN ZAIO IGARRI

EGUNERO ESATEN DIZKIOTE

GAUZA POLITAK ELKARRI

BIDEAN AURKITU ARREN

HAMAIKA TRABA ETA HARRI

EUREN MAITASUNA EUSTEN DUTE

GOGOR, BURU-BELARRI

MAITATU BIHOTZEZ INOIZ EZ EZKUTATU SENTIPENAK ASKATU ZARENA KANPORATU (BIS)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa