Pentsioen defentsan negu beroa izango den honetan parte hartuko du CNT sindikatuak. Pentsiodunen mugimenduarekin batzartu ondoren, erakunde anarkosindikalak kolektibo honek urtarrilerako aurreikusita duen greba orokorra deitzea erabaki du. "Eskaera hau gure gain hartzen dugu eta ditugun baliabide guztiak jarriko ditugu greba deialdiak aurrera egin dezan”, adierazi du CNTk.