uriola.eus

Arantza Zulueta presoaren urruntzea salatuko dute bihar Bilboko udaletxean

  Jendartea  Bilbo

Arantza Zulueta abokatu presoa Zaballako espetxetik Balentziako Picassent espetxera mugitu dute azken egunotan. Urrunketa politika hau salatzeko kontzentrazioa deitu du bihar Sare Herritarrak arratsaldeko 19:00etan Bilboko udaletxean.

11/13 makroepaiketaren ondorioz bost hilabeteko espetxe zigorra ezarri zieten irailean Arantza Zulueta eta Jon Enparantzari. Orain, zigorra betetzeko lau hilabete geratzen zaizkien honetan, Enparantza Zaballatik Estremerako (Madril) espetxera lekualdatu zuten joan den hilaren amaieran eta azken egunotan berriz, Zulueta Picassent kartzelara urrundu dute. 

Espetxe politika honi amaiera ematea eskatu du SAREk, Arantza Balentziara eramatean pertsona gehiagoren bizia arriskuan jartzen dela argituz. Izan ere, senideek 500kmtik gora egin beharko dituzte Zulueta bisitatzeko. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa