uriola.eus

"Hezkuntza sistema propio eta burujabe baten alde" ikasle greba egingo dute azaroaren 28an Bilbon

  Hezkuntza  Bilbo

Gora Ikasleon Borroka! dinamikak greba eguna deitu du datorren azaroaren 28an, osteguna. Manifestazio nagusia Arriagatik abiatuko da goizeko 12:00etan. 

Urrian Gasteizen egin zuten agerralditik hona hainbat ikastetxe eta eskolatan Gora Ikasleon Borroka! dinamikaren aurkezpenak egin ostean, leku askotan honen aldeko taldeak sortu dituzte. "Borrokarako grina" eta indarrak batu ostean, greba eguna deitu dute datorren ostegunean Hego Euskal Herriko hiriburuetan. Goizean hainbat ekintza antolatu dituzte mobilizazio nagusia baino lehen, auzoetatik kalejira musikatuak egingo dituzte, baita hainbat mahainguru. "Hezkuntza propio eta burujabe baten alde borrokara etortzeko" deialdia zabaldu diote euskal ikasleriari. 

2019/11/28 12:00 - 13:00

Arriaga Antzokia | Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa