uriola.eus

XII Mendi Film, mendiko zinemagintzarik onenaren plaza

  Kultura-aisialdia  Bilbo

Bihar emango diote hasiera hamabigarrenez BBK Mendi Film Bilbao-Bizkaia zinemaldiari. Bihartik hasita eta abenduaren 15era arte, 60 filma eskainiko dira Bilboko areto ezberdinetan. BBK aretoa, Azkuna Zentroko Golem Alhondiga zinemak eta Euskalduna Jauregia izango dira hain zuzen festibalaren egoitza nagusiak.

2008. urtean sortu zen Mendi Film Festival, hasierako edizioak Gasteizen egin arren, 2012az geroztik jaialdia Bilbon ospatu da. Abenduaren 6an, ostirala, zinemaldiaren hasiera ekitaldia egingo dute Euskalduna Jauregian, arratsaldeko 19:30ean. Ondoren, 10 egunez BBK aretoa, Azkuna Zentroko Golem Alhondiga zinemak eta Euskalduna Jauregia bera izango dira film hauek proiektatuko dituzten aretoak. 

Aurtengo edizioan, mendia, abentura, kirola eta natura gaiak landu dituzten 60 film ikusi ahal izango dira zinema jaialdian. Hasiera batean, 29 herrialde ezberdinetako 172 pelikula aurkeztu arren Sail Ofizialean zein Zabalandi sailean ordea 59 sartu ziren, 15 herrialde ordezkatuz. 60. pelikula Mendi Short film labur lehiaketaren irabazlearena izango da. 

Sail Ofizialean lehiatuko diren film guztien artean, 9 euskal lan daude: 

Artiko | Zuz: Josu Venero eta Jesu Mari Lazkano

Burdinura | Zuz: Santi Yañiz eta Anton Lazkano

Chhaupadi | Zuz: Jaime Murciego eta Pablo Iraburu

Cholitas | Zuz: Migueltxo Molina

Circle of the Sun | Zuz: Iñigo Grasset eta Lena Stoffel

Elur Goritan | Zuz: Jon Goikoetxea eta Iñigo Larrañaga

Harria Herria | Zuz: Dimegaz Kultur Elkartea

Natura Bizia | Zuz: Lexeia Larrañaga de Val

Vergüenza | Zuz: Iker Elorrieta eta Garazi Sanchez

 

2019/12/06 - 2019/12/15

Euskalduna Jauregia | Abando - Indautxu

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa