uriola.eus

Haize boladen ondorioz Areatzako izotz pista bezalako instalazioak itxita egongo dira gaur

  Oharrak  Bilbo

Bilboko Udalak gaur arratsaldera arte 100 eta 120km/h arteko haize bolada bortitzak egongo direla jakinarazi du. Hortaz, gaur, abenduak 19, Areatza inguruko instalazioak itxita egongo dira jendearentzat, izotz pista eta txirrista barne. 

Bestalde, Bilboko Udalak honako prebentzio neurri hauek hartzea gomendatu die herritarrei:

  • Ate-leihoak ixtea eta haizeak eroan eta istripuak eragin ditzaketen tresnak kentzea kanpoaldetik (lorontziak, arropak esekitokietatik eta abar).
  • Erlaitz, horma, zuhaitz eta publizitate paneletatik urrundu eta kontuz ibili eraikitze bidean edo egoera kaxkarrean dauden eraikinen aldamenean.
  • Kontu handia jartzea kalean jarritako behin-behineko aldamioen azpitik ibiltzean.
  • Errepidean ibiltzea saihestu. Autoa erabili behar izanez gero, kontu handia eduki leku zabaletatik eta zubietatik igarotzean.
  • Merkataritzako lokalek kalean ondo tinkatu barik dituzten olanak, mahaitxoak eta antzekoak kentzea.
  • Aldamio, obretako hesi eta behin-behineko instalazioen arduradunek behar diren segurtasun-neurriak hartuko dituzte instalazio horietan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa