uriola.eus

Iñigo Lopez Simonek eskuratu du Tene Mujika saria

  Kultura-aisialdia  Bilbo

Debako Udalak eta Elkar argitaletxeak Euskal Herriko historia hurbilaz idazteko ez fikziozko proiektuak saritzen dituen egitasmoa da Tene Mujika beka eta oraingoan Iñigo Lopez Simon historialari Bilbotarrak irabazi du, 60ko hamarkadako Bilboko txabolismoa aztertuko duen proiektu batekin.

Iñigo Lopez Simonek eskuratu du Tene Mujika saria
Irudia: Paula Blanco Vazquez | Ikusi handiago | Argazki originala

Idurre Eskisabelek, Imanol Muruak eta Elixabete Garmendiak osatutako epaimahaiak Iñigo Lopez Simonen proiektua jo du 2020ko Tene Mujika bekaren irabazletzat. Bilbon XX.mendearen erdialdean gertatu zen txabolismoa aztertuko du Lopezek, eta lana burutzeko urtebeteko epea izango du, gero liburu formatuan argitara dadin. 

Hazkunde ekonomiko handia gertatu zen Bilbo eta inguru industrialetan 1950tik aurrera. Extremadurako, Galiziako edo Gaztelako landa lurretatik, ondorioz, milaka gazte etorri ziren Bilbora etorkizun hobe baten bila. Garai hartako hiriko azpiegitura falta nabaria zen, eta etxebizitzen gabeziari aurre egiteko. hirira iritsitako migratzaileek etxolak eraiki behar izan zituzten. Iñigo Lopez Simonen liburuak fenomeno hori hurbiletik aztertu nahi du, bai testuinguru sozioekonomikoaren ikuspegitik bai egoera hori jasan zuten pertsonen ikuspegitik. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa