uriola.eus

Martxoaren 26an greba deitu du Ikasle Abertzaleak antolakundeak

  Hezkuntza  Bilbo

Doako hezkuntzaren aldekoa izango da gaur goizean "tasak merketu, bekak hobetu!" lelopean Hego Euskal Herriko unibertsitateetan, bigarren mailako hezkuntzan eta lanbide heziketan deitutako egun osoko ikasle greba.

Martxoaren 26an greba deitu du Ikasle Abertzaleak antolakundeak
Irudia: Ikasle Abertzaleak | Ikusi handiago | Argazki originala

Unibertsitateko tasak merketu eta bekak hobetzearen aldeko ikasle greba deitu du martxoaren 26an Ikasle Abertzaleak antolakundeak. 

Bilboko Ingenieritza ondoan, gaur goizean emandako prentsaurrekoan azaldutakoaren arabera, azken hamarkadan ematen ari den "ofentsiba kapitalistaren" adierazle argia dira gaur egungo langabezia, prekarietatea eta murrizketak. Hala, ofentsiba horrek hezkuntzan ere eragina izan duela azpimarratu eta bai unibertsitatea, lanbide heziketa baita bigarren mailako hezkuntza ere, kapitalaren egungo beharretara moldatu dutela salatu dute, "hezkuntza kostuak garestitzeraino". Gainera, ikasleei ez ezik, besteak beste, irakasleei, garbitzaileei zein gurasoei eragiten dien problematika dela gehitu dute.

Horrenbestez, ikasketa prozesu osoaren garestitzeari "galga jarri" eta "doako hezkuntzaren norabidean aurrerapauso" bezala deitu du antolakundeak martxoaren 26ko greba. Halaber, Hegoaldeko lau hiriburuetan mobilizazioak egingo dituzte eguerdian. 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa