uriola.eus

'Let there be light' filma aurkeztu dute gaur Zinegoak jaialdiaren baitan

  Kultura-aisialdia  Bilbo

Marko Škopek zuzenduriko filma aurkeztu dute gaur Zinegoak jaialdiak antolatutako prentsaurrekoan. Filmaren proiekzioa bihar izango da, gaueko 21:15ean Bilborocken. 

'Let there be light' filma aurkeztu dute gaur Zinegoak jaialdiaren baitan
Irudia: Zinegoak | Ikusi handiago | Argazki originala

Zinegoak Bilboko gayslesbitrans zinema eta arte eszenikoen jaialdiak prentsaurrekoa eman du gaur, Marko Škop zuzendari eslovakiarraren Nech je svetlo (Let there be light) filma aurkezteko. 

Suizidioaren gaiari nolabait ikusgarritasuna ematea eta LGTBI+ pertsonek pairatzen duten biolentzia heteropatriarkala salatzea dira aurtengo jaialdiaren bi helburu nagusiak; "justu azken bi elementu horien arteko bidegurutze horretako topatuko dugu let there be light film zirraragarria" azpimarratu dute Zinegoakeko ordezkariek. 

Taldearen presio sozialaren aurka egiten dutenek ere, batez ere nerabeek, heteropatriarkatuaren indarkeria pairatzeko arriskua daukatela azaleratu nahi izan du Marko Škopek bere film honetan. 

Let there be light filma Seminciko, Txikagoko zein Karlovy Veryko jaialdietan hautatua izan da azken hilabeteetan. Halaber, Oskar sarien azken edizioan Eslovakiako hautagaia izan da. 

Bihar, martxoak 4, gaueko 21:15etan proiektatuko da Bilborock aretoan. Filmaren proiekzioaz gain Marko Skop zuzendaria bertan izango da ikusleek pelikularen osteko solasaldian parte hartzeko aukera izan dezaten. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa