uriola.eus

Aurrera doa Zinegoak jaialdia

  Kultura-aisialdia  Bilbo

Joan den asteartean eman zioten hasiera Zinegoak jaialdiaren 17. edizioari. Gaur, arratsaldeko 17:30etatik aurrera Bilbaoarte aretoan zein Bilborocken proiekzio ezberdinak eskainiko dituzte. 

Bilbaoarte aretoan arratsaldeko 17:30ean, 'Begiradak' sail ofizialaren baitan dauden film laburrak proiektatuko dituzte.  'Indarkeria patriarkalak' programaren barnean egitura patriarkalek zer nolako biolentzia etengabea eragiten duten LGTBI+ errealitatean erakutsi nahi da, horrela gai hori jorratzen duten film labur batzuk batu dituzte, besteak beste, Chechnya, Pluma Forte edota La Mariachi proiekzioak.

Arratsaldeko 19:30ean Bilborocken, Lluis Miñarrok zuzendutako Love me not filma proiektatuko da lehen aldiz Euskal Herrian, eta ostean, gaueko 21:15ean atzo prentsaurrean aurkeztutako Let there be light filma ere ikusgai egongo da, Marko Škopek zuzendurikoa.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa