uriola.eus

Soraluzen gertatutako azken erailketa matxista salatuko dute bihar

  Jendartea  Bilbo

Bihar, gaueko 21:00etan, Euskal Herriko herrietan balkoietara irten eta kazerolada egitera dei egin du Euskal Herriko Emakumeon Mundu Martxak Soraluzen jazotako azken erailketa matxista salatzeko.

74 urteko emakumea hil du gaur semeak Soraluzen. Dagoeneko 3 dira astebete baino gutxiagoan erahildako emakumeak. 

Euskal Herriko Emakumeen Mundu Martxak adierazi duenaren arabera, egun bizitzen ari garen derrigorrezko konfinamendu egoerak, "emakume askoren itxialdi behartua suposatzen du, salaketarik, ihesbiderik eta egoeratik ateratzeko aukerarik gabe". Halaber, COVID-19aren krisialdian, Estatuak zein tokiko gobernuek neurriak har ditzatela eskatu dute, "nahitaezko konfinamenduan gogortzen diren indarkeria-mota desberdinak detektatzeko eta horiei aurre egiteko."

Kalera atera gabe leiho zein balkoietatik haserrea erakustera dei egin dute. Horrela, bihar gaueko 21:00etan kazerolada deitu dute Euskal Herriko herri guztietan. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa